entier

Entier, Qui n'est point despecé, entamé ne destaillé. Ainsi dit-on, un pain entier, Panis integer. Entier se prend aussi pour total. Comme, Il a combatu un jour entier, Toto die pugnauit. Entier se prend en matiere de chevaux pour le contraire de hongre. Comme un cheval entier, c. coüillu, Cui testes non sunt execti. Entier par metaphore se prend pour arresté et fiché en son opinion, comme, Il est entier en son opinion, Sententiae propositique tenax. Car celuy qui se laisse esbranler de son opinion, se laisse despecer par l'advis d'autruy. Il signifie aussi celuy qui n'a rien à reprendre en ses moeurs, ni en sa maniere de vivre, qui n'a point de fraude, ni de feintise, et qui marche rondement en besoigne, Integer vitae scelerisque purus.

Remettre en son entier, In integrum restituere, In gradum reponere.

La chose est encores en son entier, Adhuc in integro res est.

La chose n'est plus entiere, Il n'est plus temps de ce faire, Non est integrum.

Bon et entier juge, Tristis iudex.

Faire entier, Sarcire.

Pendant que la chose est entiere, pense, etc. Dum est tempus, etiam atque etiam cogita.

Entiere amitié, Firma amicitia.

Thresor de la langue françoyse. Jean Nicot.